ست الحسن كامله بقلم زهرة الربيع

"يعني أسافر وأخلص امتحاناتي وأجي ألقيك بتجوزها لغيري يا أبوي؟ كيف ده؟ وهي.. هي وافقت على كده؟" ابوه قال بارتباك ورجاء: "يا ولدي، أهدى على يدك ووطي صوتك، الفرح لساته مخلصش والناس بره." قال بغضب شديد: "خليهم يسمعوا بأبوي، خليهم يعرفوا إنك جيت على ولدك لأجل ولد أخوك اللي هملنا وهرب ومسألش في عياله، خليهم يعرفوا لأني مهسكتش وأصل." اتنهد وقال: "يا عرفان، الحديث ده مهيفيدش بحاجة يا ولدي، كتب الكتاب خلص خلاص واتجوزوا، يعني هتبقى فضايح قدام الخلق على الفاضي.. اهدى وخليني أفهمك أنا عملت كده ليه." عرفان قال بغضب: "أنا معايزش أعرف غير حاجة واحدة.. حسنه وافقت كيف؟ عملتوا فيها إيه علشان تخلوها تتجوز غيري وأنتوا عارفين إنها ريداني أنا؟" ابوه لسه هيرد، دخل شاب في التلاتين لابس جلابيه بيضه وله طله قويه تهز القلوب، بص لعرفان وقال: "أنا اللي خليتها توافق.. عمي ملوش صالح.. كلامك يبقى معاي أنا يا عرفان." عرفان هجم عليه ومسكه من هدومه بغضب وقال: "صدق اللي قال: حتى الطبع بيتورث.. طالع واطي كيف أبوك يا مجاهد؟ ده أنت حتى فقتو بكتير." مجاهد اتنهد بضيق ودفع إيده وقال: "عرفان، أنا جيت أكلمك بالذوق، بلاش نقل أدبنا على بعض.. وحاول تهدى كده، لأن خلاص حسنه بقت على ذمتي والموضوع خلص." عرفان قال بسرعة وغضب: "أيوووووه.. قولي بقى خليتها توافق كيف؟ عملت فيها إيه علشان ترضى بيك؟" مجاهد اتنهد وقال بسخرية: "وإيه الغريب؟ أنا مفيش حرمه مترضاش بيا." مجاهد قال بغضب: "إلا حسنه.. أنت هتضحك عليا ولا على روحك؟ أنا أكتر واحد خابر إنها كانت ريداني أنا مش أنت.. اتكلم، عملت فيها إيه.. انطقوا، متطلعوش أعصابي أكتر من كده." مجاهد قال بغضب: "دي حاجه متخصكش، وافقت وخلاص، عدي ليلتك على خير." عرفان قال بغضب رهيب: "مهعديهاش غير لما أعرف يا مجاهد.. أوعى من خلقي." ودفعه بغضب وقال: "محدش هيجاوبني غيرها." وطلع جري على الطابق التاني. مجاهد جري وراه وهو بيزعق وبيقول: "عرفااااااان! استنى، هنه هقطع خبرك." بس عرفان موقفش وطلع على أوضة مجاهد فورًا لإنه متأكد إن حسنه هناك، وفتح الباب من غير ما يخبط، بس اتصدم بشده لما لقى حسنه واقعه على الأرض مغمى عليها. جري عليها بسرعة ونزل لمستواها وهو بيقول بتوتر: "حسنه، مالك يا بت؟ حسنه، ردي عليّ." ولسه هيشيلها، بس مجاهد دفعه بسرعة وقال بغضب: "ما تلمسهاش.. إياك تلمس طرفها.. سامع." وشالها وحطها على السرير بسرعة ولهفة، وبقى يحاول يفوقها والخوف واضح على ملامحه. عرفان قال بغضب شديد: "شايف عملت فيها إيه؟ أنا عارفها زين، لما بتخاف بتدوخ.. كل ده لأنك جابرها على الجواز منك." مجاهد اتنهد بغيظ منه وقال: "عمي، خد ولدك وهملونا أنا ومرتي لحالنا." عمه لسه هيتكلم، عرفان قال بغضب: "ما هيحصلش، ما همشيش من هنا إلا لما أطمن عليها وأسألها." مجاهد وقف بغضب شديد وقال: "أنا لحد دلوقتي مقدر اللي أنت فيه وإنك اتفاجئت باللي حصل.. ولأجل كده ساكت لك، رغم إن اللي عملته ما يتسكتش عليه وأصل، لو أي حد غيرك ما كنتش عديت إنه فتح أوضة مرتي ودخل بالشكل ده وتعدى على حرمتي من غير حتى ما يخبط." عرفان بصله بدهشة وقال: "أنا غلطت لما دخلت من غير ما أخبط.. واللي أنت عملته ما كانش غلط؟" مجاهد قال بغضب وسرعة: "لأ، مكانش غلط، أنت ولا خطيبها ولا متجوزها، واللي بينكم كان مجرد اتفاق، وأنا من الأول مكنتش معترف بيه، ودلوقتي حسنه بقت مرتي قدام الكل، خلصنا خلاص وانسى الموضوع." عرفان بص له بغيظ شديد ولسه هيتكلم، ابوه قال بسرعة: "خلاص يا عرفان، تعالى معاي يا ولدي.. تعالى معاي، ربنا يهديك، كفايكم كده." وأخذه بالعافية وخرج بيه، ومجاهد اتنهد وقعد جنب حسنه وبقى يمشي إيده على شعرها بحنية وقال: "قومي بقى.. كفايكي يا ست البنات، قلعتي قلبي." وفضل قاعد جمبها بحزن. بعد دقائق فتحت عيونها بتوهان، وأول ما شافته جمبها رجعت لورا بخوف وقالت: "أنت.. أنت إيه اللي مقعدك جاري كده؟" مجاهد ابتسم بهدوء وحط إيده على جبينها وقال: "أحسن، دلوقتي في حاجه وجعاكي؟" حسنه دفعت إيده بغضب وقالت: "لا، فيه حاجه خنقاني، شوفت وشك، اطلع بره، هملني لحالي، ما طيقاش أشوفك." مجاهد اتنهد وراح ناحيه الدولاب وبقى يبدل هدومه وقال بضيق: "أروح فين؟ إحنا خلاص اتجوزنا، يعني دي بقت أوضتنا سوا، ومضطرين نستحمل بعض.. معلش، تعالي على روحك." حسنه وقفت وبصت له بغضب وقالت: "أنت عايز إيه؟ كيف يعني متخيل إني أفضل معاك في أوضه واحدة؟ اسمع بقى، إذا كنت عملت اللي عملته وقدرت تخليني على ذمتك، فده مش هيجبرني أتقبلك.. يعني ما تصدقش نفسك إنك بقيت جوزي." مجاهد ابتسم بسخرية وقرب منها قوي وقال: "كملي، كنت بتقولي إيه؟ يلا، سامعك." حسنه بلعت ريقها بارتباك وبقت ترجع لورا وهو كل ما تبعد خطوة يتقدم عليها أكتر وقال: "سكتي ليه؟ قولي." حسنه اتوترت أكتر وقالت بخوف بتحاول تداريه: "بعد عني، أنا مطيقاكش، خليك بعيد." مجاهد ابتسم وهو بيبص لعيونها وقال: "أنا هخليكي تطيقيني، مش بس كده، هخليك تعشقيني كمان." وجذبها ليه بقوة وقال: "هخليكي تدمني قربي، كيف ما أنا ادمنت نظره عيونك." حسنه ارتبكت قوي قدام نظراته اللي كانت جريئه جدا، وبقت تحاول تبعده عنها وقالت: "مجاهد، سيبني، هملني بقى، هو بالعافية؟" مجاهد ابتسم وقال: "لا، مش عافية يا ست الحسن، هيبقى كلو بالذوق وبمزاجك كمان." وسابها وبعد، قعد على السرير وبقى يقلع الجزمه بتاعته. حسنه استغربت كلامه وقالت بدهشة من ثقته: "والله كلامك بيضحكني.. اسمع يا ابن الناس، وفر على نفسك كل ده، وخليك عارف إني لا هاحبك ولا هتقبلك عمري كله.. وأنت عارف أنا رايده مين؟ أنا وعرفان كن..." بس مجاهد قاطعها لما بص لها بحدة، نظره خرستها فورًا، وقال بغضب: "أنا قلت لك إيه قبل سابق؟ مش قلت لك ما تجيبيش سيرة راجل غيري.. شكلك مش ناويه، عشان تجيبيها لبر وتخليني أعاملك بالذوق؟ غوري، يلا غيري خلقاتك، الليلة دخلتك، أعملك همة زي البنات." حسنه بصتله بتوتر شديد وقالت بخوف واضح في صوتها: "أحم.. أنا.. أنا ما فهمتش.. قصدك إيه يعني؟" مجاهد ضحك جامد ووقف وقرب منها وقال بهمس: "عايز أطفي شوقي.. وآخذ حقوقي.. فهمتي كده؟" حسنه هزت راسها بلا بسرعة وبخوف. ومجاهد ضحك جامد على شكلها وشدها بقوة وقرب منها. حسنه حاولت تبعد من بين إيديه، بس ما كانتش قادره أبدًا. لحد ما بعد عنها بالعافية وبص لها قال: "عسل يا بت العم، عسل وصافي كمان." حسنه دفعته بقوة وبعدت عنه بخوف وقالت: "أنت اتجنيت؟ أنا مش قلت لك ما تقربش؟ لو فاكر إني هعديلك اللي عملته معاي وأقول اتجوزنا وخلاص وأعامللك على إنك جوزي، تبقى غلطان، ولسه ما تعرفنيش.. أنا عمري ما هعترف بيك جوزي يا مجاهد، وهَدعي ربنا يخلصني منك قريب." ولسه هتمشي، مسكها من دراعها بغضب وقال بحده: "اعقلي يا حسنه، ومتطلعيش أعصابي عليكي، مش كل ما أهدى وأقول هعاملك زين زي الخلق تفوري دمي.. يلا، غيري فستانك وخلينا نخلص من الليلة اللي ما عايزاش تعدي دي." حسنه دفعت إيده بغيظ وقالت: "أنا هغير الفستان لأني ما طيقاش أقعد بيه، بيفكرني إني اتجوزت وسخ زيك." مجاهد رفع إيده بغضب وهو بيقول: "ما تلمي لسانك يا بت الرفضي، أحسنلك." حسنه حمت وشها بإيدها بسرعة وخوف، بس مجاهد ما قدرش يعملها، ونزل إيده وبص بعيد منها بغضب وقال: "غوري من قدامي الساعة دي، غورييييي." حسنه خافت منه وجريت على الدولاب، أخذت حاجه تلبسها وراحت على الحمام بسرعة. تحت كان عرفان رايح جاي بغضب وقال لأبوه: "أنا عايزه أفهم، كيف جالك قلب تعمل كده فيا؟ هو أنا اللي ولدك ولا هو؟ بتجوزوا عروستي ليه من قلة الحريم؟ يا أبوي، ده أنت اللي قريت فاتحتي عليها وقلتلي إنها ريداني وعلقتني بيها؟" ابوه اتنهد وقال: "اهدى يا عرفان، وأنا هفهمك اللي حصل كله." عرفان قعد وقال بغضب: "أديني هديت.. يلا، قول، اتكلم، أنا هتكل." ابوه قال بحزن: "كل الحكاية إن مجاهد كان رايد حسنه من زمان، ومن قبل حتى ما أكلمها عنك.. بس أنا لما روحت عشان أقول لها عليه، هي فهمتني غلط وفكرتني بتكلم عليك، وقتها فرحت وقالت لي: موافقة، هلاقي زي عرفان فين؟ أنا مرضيتش أكسر فرحتها وأقول لها إني قاصد مجاهد مش عرفان.. وقتها قلت لمجاهد إنها ما رايدهوش، وإن كل شيء نصيب، وقريت فاتحتكم.. وكل حاجة كانت تمام، لحد بعد ما انت سافرت، جاتني حسنه وقالت إنها غيرت رأيها وعايزه تتجوز مجاهد." عرفان بصله بذهول وقال: "إيه؟" ابوه اتنهد وقال: "ده اللي حصل، أنا وقتها استغربت واتكلمت معاها كثير، بس ما فيش فايدة، ما فهمتش بتعمل كده ليه.. وأنا كنت قايل لمجاهد إنها لو رضيت بيه، هجوزهم، فقالي: أهي رضيت، واضطريت أوافق، وهو حدد ميعاد الفرح قريب، وهي ما اعترضتش.. دي كل الحكاية، اعتبرها مش من نصيبك، وخيرها في غيرها يا ولدي. مجاهد ولد عمك، وأبوه سابوه وهو صغير.. وطالما هما رايدين بعض، يبقى خلاص، كيف ما أنت قلت مش من قلة الحريم." عرفان وقف بغضب شديد وهو مش فاهم أي حاجة وقال: "أنت بتقول إيه يا أبوي؟ حسنه هي اللي جات وقالت لك إنها ما عايزانيش وعايزه مجاهد؟ ليه شرابات؟ إحنا بنتبدلهم على كيفها؟ أكيد مهددها بحاجة." ابوه اتنهد بضيق وقال: "هم اتجوزوا دلوقتي يا ولدي، خلاص، ما بقاش فيه فايدة الحديث ده." بس عرفان قال بغضب: "لا، فيه فايدة، وكيف ما اتجوزها، يطلقها، وإلا أنا ما هسكتش، سامع يا أبوي، ما هاسكتش وأصل." قال كده ومشي بغضب، وابوه اتنهد بحزن وقال: "استر يا رب." عند مجاهد، لبس ورش معطر على السرير وحط عليه وردة جميلة، وواقف يبص للأوضة بحماس ومستنيها تخرج من الحمام، وبيتخيل شكلها هيكون عامل ازاي وهي بشعرها اللي قرب ينساه.. لأنها محجبه من وقت ما كانت طفلة، ومش بيلمح شعرها أبدًا. حسنه خرجت من الحمام، ومجاهد اتفاجأ بمنظرها، كانت لابسة عباية طويلة باللون الأسود وطرحتها لفاها كويس، كانها خارجة مشوار. بص لها بذهول وقال: "إيه ده يا حسنه؟" حسنه بصتله بتوتر وقالت: "أحم.. إيه؟ فيه حاجه؟" مجاهد بص لها بذهول وقال: "فيه حاجه؟ كيف ده؟ في حاجات.. هو أنتِ طالعة تصلي الجمعة؟ فين العرايس؟" حسنه قالت بتوتر بتحاول تداريه: "أحم، عرايس إيه؟ ما تحترم روحك بقى." مجاهد قال بدهشة: "أحترم روحي؟ أحترمها كيف؟ النهارده اللي ما احترمتهاش طول عمري، هأحترمها دلوقتي في ليلة زي دي؟" وفكر شوية وابتسم وقال: "آآه، فهمتك، ده مقلب صوح.. أكيد لابسه تحته حاجه حلوه وحابه تفاجئيني، يلا هغمض عيني، يلا." حسنه بصت له بضيق شديد وراحت نامت على السرير وشدت الغطاء عليها، ولسه هتنام، مجاهد شد الغطا من عليها وبص لها بغضب وقال: "لا، ده كده استهبال، مش هزار." حسنه قعدت وبصت له بضيق وقالت: "اللهم طولك يا روح، عايزا إيه يا مجاهد؟ هملني، عايزه أنام." مجاهد اتنهد وقرب منها قوي وقال: "ما إحنا هنام.. هناموا سوا في بعض." وقرب منها أكتر. بس دفعته بسرعة وقامت وقالت: "أنت عايز إيه بالظبط؟ اللي بتفكر فيه ده مستحيل، أديني قولتها لك على بلاطه." مجاهد اتنهد وقال: "مهو لازم، باللي انت لابساه ده يبقى مستحيل.. ده هو اللي كاتم على نفسك، حتى فكيه كده، هتلاقي نفسك ما عندكيش مشكلة في أي حاجة، يلا يا بت الناس، نص الليل راح في الرغي." حسنه قالت بغضب: "والنص التاني هيروح في النوم.. ولو فضلت ترغي كده، برده هيروح في الرغي." مجاهد بص لها بغضب شديد وقال: "أنا معايزش أستقوى عليكي يا حسنه، متخلينيش أعملها." حسنه بصت له بدموع ونظره بريئة اتعودت إنها بتأثر فيه وقالت: "أهون عليك يا مجاهد، مكانش العشم يا ولد عمي." مجاهد مسح على وشه بضيق وقال: "المسكنة دي مش هتنفع النهارده، وأصل أنتِ ما فهمتيش حاجه.. النهارده دخلتنا، والراجل اللي ما يدبحش القطة من أول ليلة، يبقى ملوش حكم على مرته بعد كده، ولجام الفرس مش بيبقى في إيده." حسنه قالت بضيق: "لا، ما تقلقش، هملني أنام، بس أنت دلوقتي خد الفرس كله، مش بس لجامه." ولسه هتتغطى تاني، شد الغطاء بغضب وقال: "إحنا مهنخلصش ولا إيه؟ أنا معايزش أضايقك، متخنقنيش أكتر من كده." حسنه وقفت على السرير وقالت بغضب: "قلت لك ما عاوزاش هو بالعافية." مجاهد وقف قصادها على السرير وشدها عليه بقوة وقال: "يعلم ربي إني مكنتش عايزه يبقى عافية، بس شكله ما فيش فايدة غير كده." حسنه بصت له بذهول من الجدية اللي في كلامه، وهو ضربها في رجلها برجله ووقعها على السرير. حسنه بصت لعيونه بتوهان من الصدق اللي فيهم، وكانت بتحاول تبعد من بين إيديه بس مش قادره، قالت بصوت بالعافية طالع: "مجاهد، بلاش عشان خاطري." مجاهد بص لها بشوق وقال: "خاطرك فوق راسي وجوه قلبي، وأهم من أي حاجة عندي." وباس جبينها بحنية شديدة، وبعد عنها وبقى يحاول ياخد نفسه، ونام وبص الناحية التانية. حسنه اتفاجئت جدا إنه سابها وقالت بتوتر: "هو أنت جد؟" مجاهد اتنهد وهو بيحاول يسيطر على أعصابه وقال من غير ما يبص لها: "مش ده اللي انتِ عايزاه؟ نامي بقى، وبلاش تسمعيني صوتك، لأني مش هستحمل كثير، أنا على آخري." حسنه ابتسمت مكسوفة لما قال كده، وبصت بعيد هي كمان، وبقت تحاول تنام. بعد شوية، أول ما اتأكد إنها نامت، التفت لها وشدها بين إيديه، وفك الطرحة بتاعتها بالراحة، وفك التوكة، ونزل شعرها على كتافها، ابتسم وهو مش مصدق إنها أخيرًا بقت بين إيديه.. بقى يلمس شعرها بحنية وضمها لقلبه بقوة، لحد ما راح في النوم. في صباح يوم جديد، قام من النوم على صوتها بتقول بزعيق: "مجااااهد! قوم يا كذاب يا نصاب! أنا غلطانه اللي أمنت لك يا واطي!" مجاهد فتح عينه باستغراب وبص لها وقال: "فيه إيه يا حسنه؟ حد يصحي حد كده؟" حسنه قالت بغضب شديد: "لما يكون واحد كذاب زيك، يستاهل يصحى كده.. أنت مش قولت لي مش هتقرب لي امبارح، وخاطرك على راسي، وعملت لي حالك بتضحي؟" مجاهد بص لها باستغراب وقال: "وحصل؟" حسنه كفت إيديها وقالت: "لا والله حصل.. أمال مين اللي فك لي طرحتي؟ خيالك؟" مجاهد مسح على وشه بخنقة وقال: "هو أنا كنت عارف إن الجواز نكد، بس مش من أول صبحية كده.. على العموم، معلش، ما كنتش حاسس باللي بعمله." وضحك، ولسه هيقوم، مسكت إيده تاني وقالت: "استنى هنا، رد عليا، ما تاخدنيش على قد عقلي، عملت إيه امبارح؟" مجاهد قال بانفعال: "أنتِ مجنونة يا بت؟ هو أنتِ عندك عقل أصلاً علشان آخدك على قده؟ فكيتها علشان تنامي عادي." حسنه قالت بسرعة: "أيوه أيوه، يعني كلامي صح، استغليت إني نمت وخدت راحتك وفكيت طرحتي؟" مجاهد ضرب كف على كف وقال: "يا وجع الطرحة يا ولاد.. قصدي يا وجع الدماغ على الصبح." وبقى يطلع حاجه من الدولاب يلبسها. حسنه وقفت وقربت منه وقالت بغضب: "أنا بكلمك، كلمني، عملت إيه امبارح بعد ما أنا نمت، وأنت قلعت الطرحة؟" مجاهد بص لعيونها جامد وقال بجرأة: "ما تقلقيش، ما عملتش حاجة، لو كنت عملت اللي في بالك." وأخذ الهدوم وراح على الحمام. حسنه قالت بزعيق: "حاجات تانيه يعني؟ إيه و..." بس قطعت جملتها وهي بتبص لطيفه بذهول وقالت بزعيق وكسوف: "أصلًا ما تربيتش، هقول لك إيه، محدش رباك وأصل." مجاهد ضحك من جوه على كلامها، وهي قعدت على السرير بضيق. بعد شوية خرج وبص لها بابتسامة وقال: "قاعدة متغاظة وزعلانة كده ليه يا حبيبي؟ والله ما يهونش عليا وأصل." حسنه كفت إيديها وبصت بعيد وما رضيتش ترد عليه. مجاهد ابتسم وقعد جنبها وخبط كتفه في كتفها وقال: "واعية الوردة اللي على السرير زينة؟ كيف ما شفتش أحلى منها." حسنه بصت وراها على الوردة اللي حطها امبارح على السرير، وكانت دبلت واتقطعت. بس مجاهد ابتسم ولف وشها للمراية اللي قدامها وقال: "أنا قصدي على الوردة دي، شايفة ما أحلاها؟ وردة بلدي، جمال وريحة." حسنه ابتسمت بكسوف من كلامه وحاولت تداري بسمتها، لأنها متضايقه منه، وقالت: "ده اللي أنت فالح فيه، كلام وخلاص." مجاهد بص لها بدهشة وقال: "وه أنا بتاع كلام؟ مش أنتِ اللي ما رضيتيش بالأفعال امبارح؟ لو توافقي، أنا جاهز قوي." حسنه قالت بضيق: "بس يا مجاهد، خلاص، أنا صاحيه ومتضايقه، هملني في حالي." مجاهد قربها ليه وبص لعيونها وقال: "إن شاء الله أتضايق أنا العمر كله، وما تضايقي ساعة واحدة، إيه اللي مضايقك يا نور العين؟" حسنه بصت لعيونه وقالت: "أنت اللي مضايقني، كلامك الحنين ده وزوقك معايا.. وحتى امبارح لما قلت لك هملني، هملتني، رغم إن ما فيش راجل يعملها." مجاهد بص لها باستغراب وقال: "هو أنتِ مكنتيش عايزاني أبعد؟" حسنه قالت بسرعة: "لا طبعاً، عايزاك تبعد.. بس كنت رايده أكرهك، علشان اللي عملته معاي.. بس كلامك ده واللي عملته امبارح لخبطني وخلاني ما فاهماش أنت عايز إيه." مجاهد ابتسم وشدها ليه بحنية شديدة وبقى يطبطب عليها وقال: "عايزك أنتِ وبس.. ده هو اللي أنا عايزه، وحياه عيونك اللي ماليا دواء غيرهم.. عايز قربك، وإن يبقى ليا مكان بقلبك وروحك، وتكوني ليا أنا وبس يا ست الحسن." حسنه رفعت وشها وبصت لعيونه اللي كان الصدق واضح قوي فيهم، وتاهت في نظراته الجميلة. مجاهد قرب منها قوي، وهي كمان، بس الباب خبط جامد. مجاهد بعد عنها وهو مش مصدق التوقيت اللي خبطوا فيه، وبيتمتم في سره بغضب. حسنه وقفت وهي بتضحك وراحت تفتح، بس مجاهد قال بسرعة: "استني.. هتفتحي لهم بالعباية، يقولوا علينا إيه كنا بنعمل، دخلتنا في الصالة المغطاة؟" حسنه ضحكت بخفة وقالت: "طيب، افتح لهم أنت، وأنا هلبس حاجة في الحمام بسرعة وأجي." وأخذت هدوم وراحت الحمام. ومجاهد فتح، وكانت والدته ووالدة عمه، وبقوا يباركولهم بسعادة. عمه شده على جنب وقال: "ها يا عريس، عملت إيه؟" مجاهد بص له شوية وقال بتوتر: "في إيه يا عمي؟" عمه بصله بضيق وقال: "يعني هكون بسالك على النشرة الجوية؟ عملت إيه مع عروستك؟" مجاهد ضحك وقال: "ده سؤال بردك يا عمي.. ما فيش حاجة واااااصل." عمه بصله بدهشة وهو كمل وقال: "ما اتعملتش؟ عملنا كل حاجة.. ولد أخوك أسد يا عمي، في إيه ده؟ سؤال بردك؟" عمه طبطب على كتفه وقال: "طب ألف مبروك يا ولدي." في الوقت ده طلعت حسنه من الحمام، وبقوا يباركولها. مجاهد بقى يبص لها باعجاب شديد من شكلها، كانت أول مرة يشوفها بالبيجامة، مش عايل عيونه من عليها. عمه حمحم وقال: "إيه يا عريس، مش هتنزل تسلم على الرجالة؟" مجاهد قال وهو مثبت نظره على حسنه: "لا، ما نزلش وأصل، النهارده." كلهم ضحكوا عليه، وحسنه نزلت عيونها بكسوف، بس عمه قال: "لا، معلش، الناس عايزه تسلم عليك، حتى تمشي، ما هنطولش عليك، يلا." وأخذوه ونزلوا بيه، وحسنه كمان لبست ونزلت مع أمها ومرات عمها يسلموا على بعض من قرايبهم اللي قاعدين تحت. بعد شوية الناس كانت مشيت، وحسنه لسه هتطلع على أوضتها، عرفان شدها على زاوية وقال بغضب: "وأخيراً هعرف أتكلم معاكي يا بنت العم.. ولا مجهزاش دلوقتي؟" حسنه بصتله بغضب وتوتر وقالت: "هملني يا عرفان، كل شيء قسمة ونصيب يا ولد العم.. وعسى أن تكرهوا شيئًا وهو خير لكم، يمكن كده أحسن ليك." ولسه هتمشي، شدها بغضب من إيدها وقال: "أو يمكن أحسن لك أنتِ ولا إيه؟" حسنه قالت بضيق: "اسمع يا عرفان، يعلم ربي إني مكنتش عايزه كده وأصل.. بس ده اللي حصل.. ودلوقتي أنا على ذمة راجل، ومش أي راجل، ده ولد عمك وكيف أخوك، وأنت عارف، وقفتنا دي ملهاش أي لازمة، فانسى الموضوع ده، كيف ما قلت لك كل شيء قسمة ونصيب." عرفان قال بغضب وزعيق: "ما هنساش حاجة، أنتِ ليا يا حسنه، وهتبقي ليا لآخر العمر.. ولو مقولتيش اتجوزتيه ليه، أنا هعرف لحالي، وساعتها مش هعديها، فاهمة؟" حسنه لسه هتتكلم، اتفاجئوا بيه واقف قدامهم وقال بغضب: "حسنه، تعالي هنا." حسنه بلعت ريقها بتوتر وقربت عليه وقالت بارتباك شديد: "أنا نزلت مع مرت عمي، كانت عايزاني أسلم على خالتي سنية و..." بس مجاهد قاطعها وقال بحدة: "اطلعي على أوضتك." حسنه حاولت تتكلم، بس زعق جامد وقال: "قولت اطلعي على أوضتكككك!" حسنه ارتاعت وطلعت جري على الأوضة. مجاهد بص لعرفان بحدة وغضب شديد. بس عرفان ابتسم بسخرية ولسه هيمشي، مجاهد مسكه من هدومه بغضب وقال: "شيلها من دماغك يا عرفان.. أنا وحسنه خلاص اتجوزنا، وأكيد أبوك قال لك إني كنت رايدها قبل منك، وبعته يخطبها لي أنا، يعني أنت جيت بالغلط بنا." عرفان دفع إيده بغضب وقال: "قالي.. وقالي كمان إنها ما قبلتش بيك، وقبلت بيا أنا وقالت ريداني.. واضح إن ده اللي وجع قلبك وخلاك تجبرها تتجوزك.. أنا خابرك زين، طول عمرك بتغير مني وبتتمنى اللي في إيدي.. بس أنا مش هعديها لك، كيف ما بعدي لك كل حاجة، لأن حسنه بتحبني أنا وريداني أنا، ولسه ريداني لحد دلوقتي." هنا مجاهد ضربه بوكس قوي وقعه على الأرض وقال بحدة: "ريداك ولا مريداكش.. بقت مرتي، ومش هتكون لحد غيري، ابعد عنها أحسن ليك، لآخر مرة هنبهك." مجاهد قال كده وطلع على الأوضة بغضب شديد. وعرفان بص لطيفه بغيظ وحقد، وبيتوعد له بشيء خطر. مجاهد أول ما طلع، فتح الأوضة ودخل بغضب شديد وقال: "كنتي بتعملي إيه معاه؟ ها؟ انطقي، اتكلمي يا حسنه." حسنه قالت بتوتر: "أنا.. أنا هاحكي لك اللي حصل كله، بس لو تهدى." مجاهد ضرب الطاولة برجله ووقعها بغضب وقال: "أنا هادي، طالما أنتِ لسه عايشه وما كسرتش دماغك ودماغه، أبقى هادي قوي.. واقفه معاه ليه؟ حنيتي للي كان بينكم؟" حسنه قالت بغضب شديد على كلامه: "اعقل كلامك يا ولد عمي.. أنا مش خاينة، ولا واحدة ما اتربتش، عشان أكون على ذمة واحد وأحن للتاني.. ومتنساش إن أنت السبب في كل اللي بيحصل ده.. واحد كان جاي على أساس يعمل فرحه، يروح يلاقي عروسته متجوزه ابن عمه، طبيعي يبقى عايز يسألني: