فرح جوزى

نا من محافظه وجوزى من محافظه تانيه بس عايشين فى المحافظه اللى انا فيها عشان شغله بعد مده شغل جوزى اتنقل المحافظه اللى هو فيها وراح قعد مع أهله فى بيت العيله لما قولتله اجى اقعد معاك رفض وقالى انا هنقل من بيت العيله واستنى لما اجهز تانيه وفضلنا على الحال ده شهر فى الاخر قررت اعمله مفاجأة واروحله واتعرف على أهله وفعلاً سافرتله وعلى ما وصلت كانت الدنيا ضلمت وصلت للمكان اللى هما فيه ولاقيت فرح فى الشارع عندهم قصاد البيت استغربت وقولت لنفسى طالما فى حد بيتجوز من عندهم ليه ماعزمونيش دخلت قربت من الفرح انفاجئت من جوزى اللى قاعد على الكوشه وجمبه بنت قربت منه اول ماشفنى بضلى بغيظ وقام شدنى من ايدى وطلعنا الشقه وبدل ما يبررلى او يعتذلى لقيته بيزعق وبيقولى ايه اللى جابك صوت الخطوات الثقيلة وهي بتطلع السلم كان كأنه بيدوس على صدري، زغروتة أخيرة شقت سكون البيت من تحت، وبعدها اتقفل باب الشقة اللي فوق، ونزل هدوء أتقل وأبشع من صوت الدوشة اللي كانت مالية الدنيا. هدوء خنق الهوا في الأوضة وخلاني أسمع صوت أنفاسي المتقطعة ودقات قلبي السريعة زي طبلة حرب. قعدت في ركن الأوضة، ضامة ركبي لصدري، ضوافري غارزة في لحم إيدي لحد ما حسيت بلسعة الـ،،دَم، بس الوجع ده كان ولا حاجة قصاد النار اللي قايدة في حشاي. الكلمة كانت بترن في وداني بنبرة حماتي الخبيثة: "الأرض البور".. سنتين جواز وهو يفهمني إن العيب مش في حد، وإن التأخير نصيب ورزق من ربنا، كان يطبطب على كتفي ويقولي بكرة نفرح.. اتاريه كان بيرتب لليوم ده، رامي اللوم كله عليا قدام أهله، ومستني الفرصة اللي يكسرني بيها ويبيعني في سوق كلام الناس. الساعات مشيت بطيئة ومملة، الشباك عتم تماماً والشارع فضي من الناس والأنوار اتطفت، وكل حركة صغيرة فوق راسي، كل صوت خبطة أو رجل بتتحرك في الشقة اللي فوق، كانت بتدبحني وتفكرني بالمهزلة اللي أنا فيها. فكرة إني محبوسة زي الفرخة المستنية دبحها خلت القهرة تتحول لغضب كاسح. العياط نشف في عيني، والضعف اللي كان مخليني أترجاه بص باحتقار لنفسي جواه. أنا مش ضعيفة، ولا هكون الحيطة المايلة اللي يشيلوها عار خيبتهم. قمت وقفت، مسحت وشي بكُم عبايتي، وبدأت أفتش الأوضة في الضلمة. الأوضة كانت قديمة، فيها دولاب متهالك وسرير حديد، ومفيش غير شباك الشارع المقفول بحديد ميتفتحش. قربت من باب الأوضة، مسكت المقبض وهزيته براحة.. مقفول كويس بمفتاح قديم وتقيل. رجعت خطوتين وبصيت للباب الخشب، كان من الأبواب القديمة اللي ليها كالون عريض، دورت في شنطتي الصغيرة اللي كانت واقعة في الأرض، لقيت بنسة شعر ومبرد ضوافر حديد، حاولت أعبث في الكالون وأنا إيدي بتترعش، بس كان صلب ومستحيل يتفتح بالحيل دي. فجأة، مع الفجر، سمعت صوت حركة برا الأوضة، صوت خف حريمي بيجر في الأرض في الصالة.. أنفاس تقيلة بتتحرك، وبعدها صوت مفاتيح بتخشخش. وقفت ورا الباب مباشرة والدم اتجمد في عروقي. المفتاح دخل في الكالون ولف لفتين، والباب اتوارب ببطء وصرير خفيف. ظهرت حماتي، لابسة جلابيتها السودة وشعرها منكوش، وماسكة في إيدها صينية ألومنيوم عليها رغيف عيش وجبنة بيضا وكوباية شاي باردة. بصتلي بنفس البصة السامة، زقت الباب برجلهـا ودخلت، وحطت الصينية على الطبلية الصغيرة جنب السرير من غير ما تنطق، وكانت بتلف ضهرها عشان تخرج وتقفل تاني.= فاكرة الحكاية خلصت كدا يا حماتي؟خرجت الكلمة من بؤي باردة، خالية تماماً من العياط والترجي، صوتي كان ثابت لدرجة إنها وقفت متفاجئة ولفت رقبتها تبصلي باستنكار.= ليكي عين تتكلمي يا مقصوفة الرقبة؟ كلي لقمتك وانكتمي لحد ما الصبح يشقشق، يجيلك أخوكي ولا أبوكي ياخدك من سكات، مش عايزين كلام من بتوع الحارة، ابني خلاص فتح بيت وربنا هيعوضه بالولد اللي حرمتيه منه، وإنتِ ورقتك هتوصلك لحد عندك باللي ليكي من غير شوشرة. قربت منها خطوة، وبصيت في عينيها مباشرة من غير ما أرمش:= ابنك اللي مفكراه راجل ده، مقالكيش إن التحاليل كلها كانت طالعة العيب منه هو؟ مقالكيش إن الدكتور قاله حالتك ميئوس منها وإن أنا اللي كنت بستره وبقول للناس العيب مش في حد عشان محرجوش قدامك وقدام الدنيا؟وشها اتخطف لحظة، عينيها وسعت برعب مريب، وفضلت باصة ف قدامكم حل من اتنين ملهومش تالت.. يا إما الإسعاف تيجي حالا ومعاها النجدة وأهل البت يتصل بيهم يدخلوا يشوفوا بنتهم سايحة في د،،مـ،ـها بسبب هبل ابنك وعمايلكم السودة، وساعتها مش هسكت وهشهد بكل حرف سمعته وشُفته، يا إما هتعملوا اللي هقول عليه بالحرف، ومن غير ما تنطقوا بنص كلمة، وحياة البت دي هي اللي تهم قبل أي وسخ في دماغكم. حماتي بصت لابنها اللي كان كأنه ممسوح من الوجود، وهزت راسها بجنون وهي بتلطم على صدرها: اللي تقوليه يا بت الناس.. اللي تأمري بيه بس استرينا، الله يسترك دنيا وآخرة متفضحيناش! شخطت فيها بصوت وطّيته عشان الجيران: انزلي جري الصيدلية اللي في أول الشارع لو شغالة طوارئ، أو افتحي الصيدلية بتاعة البيت لو فيها شاش ومحاليل، عايزة قطن معقم، شاش، ومحلول ملح فوراً.. وأنت! شاورت على جوزي بإصبع ثابت خلاه ينتفض في مكان،ه زي العيل الصغير: قوم اغسل وشك بالمية الساقعة، وهاتلي ملاية نضيفة ومقص نضيف من المطبخ بعد ما تغليه في مية سخنة.. بسرعة قبل ما روح البت تطلع في إيدينا! الاتنين طلعوا يجروا كأن وراهم عفاريت. قربت من البنت، فستان الفرح التقيل كان خانق قفصها الصدري وبيمنعها تاخد نفسها، فكيت السوستة من ورا بخفة وحررت رقبتها، وشلت الطرحة اللي كانت ملفوفة على راسها بقسوة بدبابيس مغروزة. وشهـا كان متلج، ونبضها بقى أضعف وأسرع، علامة إن النزيف شغال جوة وموقفش. كانت بتهذي بكلمات مش مفهومة: "يا ماما.. بطني.. متسيبونيش هنا..". مسكت إيدها وضغطت عليها براحة: اهدي يا حبيبتي، أنا جنبك.. اهدي خالص متخافيش. فتحت عينيها نص فتحة، بياض عينيها كان باهت وفيه حمرة د،،مـ خفيفة، بصتلي بضياع مفيش فيه أي استيعاب هي فين ولا مين دي، بس حسيت برعشة صوابعها بتمسك في إيدي كأنها بتتعلق بقشاية غريق. رجع جوزي وهو بينهج، معاه الملاية والمقص، وراه أمه داخلة تلهث وجايبة معاها كيسة فيها شاش ومحلول كان مركون عندهم من زمان. بدأت أشتغل بسرعة وبكل خبرة اتعلمتها في معهد التمريض، رفعت رجلين البنت بمخدات عشان أرفع ضغطها وأوجه الـ،،د،،م للمخ، وحطيت كمادات تلج على بطنها من تحت عشان أهدي التقلصات العنيفة اللي كانت مسببة النزيف، وضغطت بشاش معقم عشان نزلت كفيلة تدخلها في صدمة عصبية، والمحاليل اللي جابوها مكنش عندي كانيولا أعلقها بيها، والبت بدأت تتشنج وتسن على سنانها صوت يقشعر له البدن. بصيت لجوزي وحماتي بحدة وجمود: الإسعافات دي مسكنات مش هتعيشها ساعة تانية.. البت دي عندها نزيف داخلي حاد، يا كيس حمل انفجر يا حاجة اتمزقت بسبب هبدتكوا والأدوية دي. مفيش مفر.. لازم تتنقل مستشفى حالا، بس مش مستشفى عامة عشان البلاغ، هنوديها مستشفى خاص في المحافظة المجاورة وندخلها طوارئ فوراً على إنها تعبت فجأة. - ومين هيدفع مصاريف المستشفى الخاص دي؟! الكلمة طلعت من بؤ حماتي بتلقائية وسخة وغريزة بخل مقرفة حتى في لحظة الـ،،مـــ،،و،،ت. بصيتلها بقرف هز كيانها كله، ورديت ببرود مرعب: دهب شبكتي اللي أنتوا واكلينه عليا، والقرشين اللي ابنك حطهم مقدم للشقة الجديدة المزعومة.. دلوقتي حالا تطلعوا الفلوس والدهب من الخزنة قدام عيني، يا إما هسيب البت ده وأخرج أنا، والصبح أهلها هياخدوا روح ابنك قصاد روحها. جوزي زق أمه بحدة وصرخ فيها وهو بيعيط: هاتي الدهب يا أمة! هاتي اللي في البيت كله، إنتِ لسه هتفاصل؟ البت لو مـ،،ا،،ت،،ت أبوها وإخواتها هيولعوا فينا وفي البيت ده باللي فيه! جريت حماتي على الأوضة التانية وهي بتسب وتلعن في سرها، ورجعت بعد دقايق ومعاها علبة قطيفة ولفّة فلوس رمتهم في حجري. أخدت الفلوس وعلبة الدهب حطيتهم في شنطتي ببرود، ومن غير ما يتهز مني رمش. كان حقي اللي سلبوه مني، وكان تمن نجاتهم المؤقتة من لفينا البنت في الملاية وفوقها بطانية تقيلة عشان نداري فستان الفرح والـ،،د،،م، ونزلناها من السلم الخلفي للبيت وسط الضلمة اللي قبل الفجر، مفيش صريخ ولا صوت نفس. جوزي دور عربيته القديمة وإيديه بترتعش على الدركسيون لدرجة إنه مكنش عارف يحط المفتاح في الكونتاكت. ركبت أنا ورا، حاطة راس البنت على رجلي وبمسح على جبينها، وحماتي راكبة قدام بتبص في المراية كل ثانية كأنها شايفة المشنقة بتنزل من السقف. العربية طارت على الطريق الزراعي في الضلمة والضباب مالي الهوا، وكل دقيقة بتعدي كانت كأنها سنين. وفجأة، وإحنا في نص الطريق المقطوع والسرعة جنونية، صوت كحة مكتومة طلع من صدر البنت، وارتعش جسمها كله رعشة قوية.. وفتحت عينيها على وسعهم، وبصت في السقف بصة جامدة مفيهاش روح، ونزلت خيط د،،م رفيع من بين شفايفها وراسها مالت على جنبي.. ونبض إيدها وقف تماماً. سكون تقيل زي طين الترعة خنق العربية كلها، البرودة سرت من جسم البنت لرجلي ولركبي، ونبضها اللي كان بيجري تحت صوابعي تاه وفص ملح وداب. رفعت إيدي اللي كانت بتسند رقبتها، لقيت صوابعي مبلولة بد،،م لزج وسخن، بينما بشرة البنت نفسها كانت بتسقع بسرعة مرعبة، وعينيها اللي اتجمدت على سقف الصالون كانت بتبص لفراغ ملوش آخر، مفيش فيها ولا رمشة. حماتي حست بالسكون المفاجئ، لفت وشها بسرعة من الكرسي اللي قدام وعينيها بتبرق في ضوء التابلوه الباهت، شافتنـي وأنا باخد نفس طويل وساكتة، بصت للبنت وشهقت شهقة طلعت من حشاها كأنها شافت عزرائيل قاعد بينا: البت مالها يا نهار مش فايت؟! البت مالها يا بت انطقي ساكتة ليه؟! - النبض وقف.. والنفس اتقطع. قولتها بصوت واطي ومحايد، صوت خالي من أي عاطفة كأني ببلغهم بنشرة جوية مش بروح بتطلع بين إيديا. جوزي داس على الفرامل بغباء، العربية لفت نص لفة على الأسفلت المبلول بالندى والكاوتش صرخ بصوت عالي سمّع في الحقول اللي على الجنبين، لحد ما وقفت العربية بالعرض في نص الطريق الزراعي المقطوع. طفى النور ومسك دماغه بإيديه الاتنين وفضل يخبط راسه في الدركسيون بهستيريا وهو بيصرخ صريخ مكتوم: ضيعتوني.. ضيعتوني يا أمة! قولتلك بلاش الحوارات دي، قولتلك بلاش الكدب! البت مـ،،ا،،ت،،ت.. هروح في داهية.. هيعدموني، أهلها مش هيسيبوا حتة سليمة في جتتي! حماتي نزلت تلطم على وشها في الصالون، ضوافرها غرزت في خدودها وغلها القديم اتحول لرعب مسخها: يا خراابي.. يا وقعتك السودة يا سيد.. يا فضيحتنا اللي هتبقى على كل لسان.. هنعمل إيه؟! نروح فين؟! لفت عليا ومدت إيديها عليا في الضلمة كأنها عايزة تخنقني أو تطالبني بمعجزة: اعملي أي حاجة يا دكتورة الغبرة! انفخي فيها.. اضغطي على صدرها.. متقعديش تتفرجي علينا كده كأنك شمتانة! زحزحت إيديها عني بقوة ورجعت ضهري لورا، وبصيت للبنت اللي كانت نايمة ميتة على رجلي، وجع قلبي عليها مكنش مخليني حتى قادرة أبص في وشوشهم القبيحة: أنا ممرضة مش خالقة أرواح.. البت جالها نزيف داخلي حاد وانفجار، والأدوية اللي ابنك بلعها إياها ومصايبكم سدت شرايينها، الروح راحت للي خلقها.. ودلوقتي إنتوا مش بس في ورطة فـ،،ضـــ،،يـــ،،حـــ،،ة، إنتوا في قضية قـ،،تـــ،،ل نفس، وجثة في عربية بنص ليل على طريق زراعي. جوزي رفع راسه من على الدركسيون، ملامحه كانت متغيرة وممسوحة، العرق بيشر من قورته مع إنه البرد كان قارص، عنيه كانت حمرا زي الجمر وبص لأمه بصة شيطانية طلعت من قعر الجبن والخسة: نرميها.. الكلمة خرجت من بين سنانه فحيح أفعى، خلت جسمي كله يقشعر من بشاعة اللي بسمعه: نرميها عربيات النص نقل قطعت ضلمة الطريق بهدير مواتير عالي، ونور كشافاتها البيضا كشف تراب الغيطان اللي هاج في الهوا. في ثواني معدودة، وقفت العربيات دي ورا بوكس الشرطة بشكل عشوائي، ونزل منها أكتر من عشرين راجل، جلاليب مقمرة وعصيان شوم، وفيهم اللي ماسك في إيده كشافات يد صيد حادة. على راسهم كان راجل عجوز بشنب أبيض وعيون جاحظة، وشه كأنه محفور في صخر، وجنبه اتنين شباب طوال، ملامحهم مقلوبة غضب وعروق رقبتهم بارزة كأنها حبال.= فين بنتي؟! فين نورا يا ولاد الحرام؟!الراجل العجوز صرخ بصوت شق سكون الليل وزلزل الطريق الزراعي كله. الشباب اللي معاه اندفعوا لقدام بعصيانهم، لكن صوت تعمير بنادق العساكر وصرخة الظابط الصارمة وقفتهم مكانهم:= مكانك أنت وهو! سلاحك في الأرض ومحدش يخطو خطوة تانية لقدام.. إحنا قوة مباحث والمنطقة دي تحت السيطرة! حماتي، اللي كانت مربوطة في حديد البوكس، أول ما شافت أهل العروسة داخلين بالشوم، صوتها اللي كان بيهز البيت زمان اتحول لصرخة رعب ومسكنة خبيثة، وفضلت تولول وهي بتهز في الكلبش:= الحقونا يا ناس!الحقنا يا حاج عبد الرازق! الغريبة دي جت هجمت على العيال في ليلة دخلتهم، سممت بتكم الغلبانة في شرباتها وحرقت قلبنا عليها.. بنتكوا راحت في كيد الضراير والغل! جوزي لقى في صرخة أمه أمل أخير إنه يخلص برقبته من قـ،،تـــ،ـل العمد، فرمى نفسه على ركبه في التراب وصرخ بأعلى حسه وهو بيبص لأبو البنت:= غدرت بيا وببنتك يا عمي! جاية من محافظتها مخصوص عشان تنتقم، دخلت وراها وسممتها بالبطيء وإحنا بنجري بيها على المستشفى في نص الليل عشان نلحقها!دي شيطانة مش بني آدمة! كلامهم كان زي الشرارة اللي ولعت في كوم قش. الشابين، إخوات البنت، عنيهم احمرت ووشوشهم اتخطفت لما سمعوا كلمة "راحت"، وبصوا ناحية العربية الملاكي وبعدين بصوا عليا. واحد منهم رفع شومته لفوق وصرخ بهستيريا وهو بيهجم:= قتلتِ أختي يا فاجرة؟! والله ما هتدخلي المركز حية، تار أختي هاخده بإيدي هنا! العساكر اتدخلوا وحجزوه بالعافية، الظابط وقف سد منيع بيني وبينهم، وطلع طبنجته وضرب طلقة في الهوا نورت الضلمة للحظة وصوتها رد في الغيطان وخرس الجميع.= اللي هيتحرك خطوة تانية هصفيه في مكانه! دا مش سوق ولا ميتة كلاب عشان تاخدوا تاركم بأيديكم.. إحنا في دولة وقانون! في عز الصريخ ده كله، كنت واقفة متصلبة في مكاني، هدومي عليها د,م البنت، وبرد الفجر بينخر في عظامي، بس روحي كانت باردة كأنها تلج. بصيت لأبو البنت اللي كان ساند على عكازه وبيترعش، دموعه نزلت تغسل تجاعيد وشه العجوز، راجل مهدود كان باعت بنته بفستانها الأبيض على أمل يشوف عيالها، مش يشوفها في ملاية على طريق زراعي. قربت من الظابط بهدوء، ومسكت تليفوني بإيد ثابتة مفيهاش أي ارتعاش:= يا باشا.. كلام الضراير والحكاوي الوسخة دي متمشيش مع البوليس. أنا طلبت الإسعاف وسجلت كل كلمة من أول ما البنت وقعت من طولها في الشقة، والتسجيل ده معاه توقيت دخولهم وتوقيت خروجنا من البيت، وفيه صوته وهو بيتحايل عليا أنقذها بصفتي ممرضة عشان ميفضحش نفسه إنه بلعها حبوب ومقويات غلط سببتلها نزيف حاد، وفيه صوت أمه وهي بتقوله نرمي الجثـ،،ه في المصرف ونقول للبلد إنها هربت! فتحت السماعة الخارجية للتليفون على أعلى صوت، وضغطت على زرار التشغيل. صوت جوزي المخنوق الرعديد طلع في الهوا نقي وواضح:(نرميها في المصرف هنا جنب الغيط، ونقول صحينا الفجر ملقيناهاش، هربت ولا اختفت.. والبلد عارفة إنها كانت بتعيط قبل الفرح)وبعده صوت أمه الخبيث وهو بيتردد في السكون:(أيوة يا سيد، نرميها هنا والمية تشيلها بعيد، ونرجع على بلدنا قبل ما النهار يشقشق ونعمل نفسنا بندور عليها مع أهلها.. محدش يعرف إنها طلعت معانا في العربية) الصوت نزل على أهل البنت زي المية المغلية. أبو العروسة فتح بؤه بصدمة ومقدرش ينطق، وإخواتها الاتنين اتحولوا لوحوش بجد. الشوم نزل من إيديهم وطلعوا سكاكين مطاوي من جيوبهم، وهجموا مش عليا.. هجموا على جوزي وأمه اللي كانوا مربوطين في البوكس.= يا ولاد الحرام! عايزين ترموا بنتنا في المصرف وتلصقوا فيها العار؟! الضرب اشتغل على جوزي المكلبش، والعساكر بيحاولوا يخلصوه بالعافية، وصريخ حماتي كان مالي الدنيا وهي بتستنجد بالظابط اللي لقى نفسه في وسط معركة دموية. في اللحظة دي، عربية الإسعاف وصلت وسارينتها بتنور الطريق، ووراها عربيتين بوكس تانيين للدعم. الظابط شاور للعساكر يفرقوا الناس بالقوة، وقرب مني وشد التليفون من إيدي بحذر، وبص لملامحي اللي مكنش فيها أي انكسار وقال:= الحرز ده هيروح النيابة دلوقتي.. وإنتِ يا مدام هتطلعي معانا على المركز تدلي بأقوالك، بس بصفتك شاهدة إثبات مش متهمة.. الموضوع أكبر من مجرد خناقة عائلية، ده فيه تقرير طب شرعي هيقلب موازين البلد دي كلها الصبح. بصيت ناحية المسعفين وهما بيطلعوا نقالة البنت من العربية، ملايتها كانت مفضوحة بد,مها، وحماتي وابنها وشوشهم غرقانة د,م من ضرب إخوات البنت قبل ما العساكر يشدوهم للبوكس المقفول. ركبت في بوكس الشرطة الجديد، وقعدت جنب الشباك الحديدي.. والنهار كان بدأ يشقشق بخيوط رمادية باهتة على الغيطان، كأن الليل البشع ده بيلم سواده ويسيب وراه حساب طويل لسه النيابة والمحاكم هتفتحه ومش هيتقفل بالساهل. شمس الصبح طلعت كئيبة وباهتة، شقت الضباب اللي كان مغطيمركز الشرطة. المدخل كان مقلوب رأساً على عقب، ريحة دخان سجاير رخيصة وبن محروق مالية الطرقة الطويلة، والهمهمات وصوت الصريخ والولولة كان مالي المكان. البلد كلها كانت واصلة ورا عربيات الإسعاف، الحارة وأهل العروسة وعيلة جوزي.. كل طرف واقف في ركن بيغلي، والعساكر عاملين كردون بالعصيان عشان الد,م ميسيلش جوة مكاتب الحكومة. دخلوني أوضة مكتب وكيل النيابة بعد ما الدكتور الشرعي خلص معاينته المبدئية لجثـ،،ه "نورا" في مشرحة المستشفى المركزي. كنت قاعدة على الكرسي الخشب، هدومي لسه معفرة بتراب الغيط وبقع الد,م الناشفة على أكمامي، بس ملامحي كانت هادية بشكل يرعب أي حد يبصلي. لا دمعة نزلت من عيني ولا رعشة هزت صوابعي. القهرة اللي كانت خنقاني في أوضة بيت العيلة من كام ساعة، اتبخرت وحل مكانها برود صلب زي الصخر. الباب اتفتح ودخل عسكري ومعاه جوزي، "سيد"، متكلبش في إيد عسكري تاني. كان متبهدل، وشه متورم من ضرب إخوات البنت، كُم قميصه، وراسه مدلدلة في الأرض مش قادر يرفع عينه في عيني. وراه على طول دخلت أمه، حماتي اللي كانت بتملى البيت جبروت وبتعايرني بـ"الأرض البور", داخلة تسحب رجليها زي الشحاتين، طرحتها مشققة وشعرها الأبيض طالع منها، وأول ما شافتني بصتلي بنظرة فيها رعب ممزوج بغل عاجز. وكيل النيابة، شاب ثلاثيني وشه صارم وحواجبه مقفولة بتركيز، قعد ورا مكتبه وفتح الملف الأزرق الكبير، كان جواه تليفوني، كيس بلاستيك فيه شرايط حبوب فارغة ومحقن قديم، وتقرير مطبوع مستعجل عليه ختم النسر. خبط القلم على المكتب وقال بصوت حاد قطع صمت الأوضة:= افتح المحضر يا ابني. المتهم الأول سيد عبد العظيم، والمتهمة التانية والدته فاطمة إبراهيم.. والمتهمة بالتستر أو الشاهدة الأولى رضوى حسن. رفع عينه وبص لجوزي:= المتهم الأول..اعترفت في محضر المباحث إنك اديت المجني عليها حبوب مجهولة المصدر ليلة الدخلة بدعوى تحفيز قدرتك ومنع أي مشاكل ليلتها، وإنه حصلها نزيف مفاجئ حاولت تخفيه