اللي عرفناه بعدها ان ياسين يوم الخميس بالليل خبط بالتروسيكل بتاعه عربية عابدين من غير قصد, ونزل عابدين ضــ . ـربه بالقلم فياسين رد عليه القلم ومسكوا في بعض بس الناس اتلموا وخلصوا الموضوع, بس عابدين رجع لعيلته يقولهم انوا اتضــ . ـرب بالقلم, وطبعا دي عيبة كبيرة في وش عيلة خِضر, وقرروا بعد الجمعة يضــ . ـربوا ياسين عشان مكانتهم في البلد, أمر قذر شهير في كل بلد للأسف..
الغريب بقا ان من يومها ومسعود بقا بيقعد قدام بيت ياسين, وبدأ يظهر عليه الغضــ . ــب والحزن الشديد, حتى انه رفض لمدة يومين ياخد أكل من أي حد, ولما انا عرفت ولقيته هزيل خالص بدأت اكلمه عشان ياكل, وفعلا استجاب ليا انا وبس, ووصيت مراتي يوميا تطلعله أكل, لأنه مش هياخد غير منها.. بقلم: أحمد محمود شرقاوي …………….
انا عابدين, انا ابن أكبر عيلة في البلد, ومكنش ينفع اتضــ . ـرب بالقلم واتهان بالطريقة دي في البلد وانا من عيلة خِضر, وروحت كلمت ابويا وعمامي وأثرت غضــ . ــبهم, بالغت في الحكي لحد ما الكل بقا بيغلي, وبعد الجمعة طلعنا طلعتنا وكسرنا المعفن اللي مالوش أصل ياسين.. ورجعت بيتي منتشي, مبسوط, وعارف ان هيبتي رجعت من تاني بين الناس, وعلى بالليل نمت في الشقة اللي فوق لوحدي بعد ما شربت سيجارة حشيش زودت معايا شعور النشوة, ونمت..
بس في نص الليل صحيت على صوت حد بينهج وبيتنفس بغضــ . ــب شديد, كأن فيه حد جمبك طالع من سباق جري, فتحت عنيا الثقيلة وانا مش قادر, حاسس اني في حلم مش حقيقة, بس مع علو الصوت عقلي بدأ يصفى وافتح عيني, كانت الاوضة ضلمة, وحاسس بحرارة شديدة في الاوضة, ركزت في الضلمة لقيت واحد ضخم واقف قدام سريري وعمال ينهج وصدره بيتحرك بسرعة, قمت من مكاني منفوض وانا بقول: – انت مين
مردش عليا وفضل ينهج بعنــ . ــف شديد, ركزت في ملامحه لقيته مسعود العبيط, بس مش مسعود المسـ . ــكين الطيب, ده كان مسعود الغضــ . ــبان وكأنه سجان من سجانين السجون, اتكلمت بخوف وقلت: – ايه اللي جابك هنا يا عبيط انت
مسافة ما قولتها هجم عليا, هجم عليا ومسك في رقبتي وفضل يخنقني بقوة رهيبة, لدرجة اني كنت في ايده زي العيل الصغير, عنيه كانت فوق عنيا وهو قابض على رقبتي بإيديه اللي عاملة زي الجمر, عنيه كانت بيضا زي الأموات, ووشه بينفخ لهب على وشي, صرخت بس صوتي مخرجش, اتحركت بعشوائية بس مقدرتش أتحرر, كانت انفاسي بتخبو, بمــ . ــوت, روحي بتخرج, مش عارف اخود نفس واحد, شريط حياتي بيمر قدام عنيا خلاص, احساس بشع, اسوأ احساس ممكن تحسه, فزع مطلق, رعب, ألم, وخوف أكبر من فكرة انك هتمــ . ــوت وتتدفــ . ــن خلال ساعات بس..
ووسط نهجانه وقسوته اتكلم بصوت خشن, مرعب وقال: “ياسيييييين” وقتها قدر أتحرر, قدرت أصرخ بأعلى صوت, وجريت زي المجــ . ــنون على تحت وانا جسمي بيتنفض وبيعرق زي اللي أصابه مس من الجن, اهلي اتجمعوا وفضلوا يسألوا عن السبب بس انا كنت في صدمة كبيرة, مش قادر أتكلم ولا مستوعب انا ممكن أحكي أقول ايه, مسكت تليفوني وانا بترعش واتصلت على واحد صاحبي بيته جمب بيت مسعود وسألته: “هو مسعود قاعد قدام بيته ولا ايه”
وبما اني اتصلت بيه في نص الليل قفل في وشي ونام وهو بينعتني بالجنون, وفضلت طول الليل نفسي مكتوم وخايف وفي حالة صدمة غريبة, والاسوأ ان رقبتي كان عليها أثر صوابعه, وانفاسي بقت بتخرج بصعوبة, وعدت أسوأ ليلة في حياتي, عدت عشان أشوف اللي اسوأ منها, مسعود حاضر تاني ليلة, مسعود بيخنقني عشان يقــ . ـــتلني, مسعود بعيونه البيضا وجسده الضخم, بأنفاسه الملتهبة وصوته الخشن “ياسيييييييييييييييين” وفي الليلة التالتة “ياسيييييييييييييييييين”
انا بقيت عايش في فزع, رقبتي بتوجعني ومش عارف أخود أنفاسي, حتى لما نمت مع اخويا ده ممنعش مسعود, وحضر في نفس الليلة خلاني أقوم أصرخ بأعلى صوت, وحتى يوم ما خرجت من بيتي لقيت مسعود قاعد قدام بيته بنظرته الشاردة وقعدته البسيطة, بس الغريب انه لما شافني عنيه اتحولت, اتحولت لعيون واحد واعي لكل اللي بيحصل, لدرجة اني حسيت انها نظرة شماتة, ومن رعبي مقربتش منه ورجعت, واتكرر الموضوع, اتكرر لدرجة ان الخنق زاد, زاد لدرجة ان أخر مرة وقعت في غيبوبة وتخيلت اني هصحا من نومي الاقي نفسي في القبـ . ـر..
