تقريبًا كنت أكتر واحد في العيلة جالها عِرسان ورفضتهم، وكنت بسجل في النوتة بتاعتي كل عريس بيترفض، اسمه وعمره ومهنته ومميزاته وسلبياته، مكنتش متخيلة إن جوازتي ممكن تكون سهلة وبسيطة وعادية، لازم تكون مختلفة لواحدة جمالها مختلف ومميز.. لازم الراجل اللي هياخدني يتعب تعب غير طبيعي عشان أكون من نصيبه، وده ببساطة لأن الحاجة اللي بتيجي بالسهل بتروح بالسهل، عشان كدا رفضت ناس اتقال عني مجنونة بسبب رفضي ليهم، وعملت ألف خـ,ـناقة وخـ,ـناقة مع أمي، لحد ما فجأة وبدون أي مقدمات انقطع العرسان عن بيتنا..
في يوم وليلة مبقاش فيه حد بيجي أبدًا، وبدأت أحس بالخـ,ـطر وداخلة على أعتاب الـ ٢٧ سنة، وبدأت أتنازل في طلباتي، مش شرط غني ووسيم ورياضي، المهم يكون غني، وبعد شهور بدأت العرسان من تاني، بس اختلفوا تمامًا، بقا بيجي المطلق والمتجوز والأرمل والكبير في السِن..
شوفت مناظر تقرف زي ما بيقولوا بعد ما كان بيجيلي الشاب اللي معاه عربية والمهندس والدكتور، وغصب عني رفضت ورفضت لحد ما دخلت على التلاتين، وهنا بس اتكـ,ـسرت، وبدأت أخاف، وبدأت أخد مضادات اكتئاب واتعالج عند دكتور نفسي، لحد ما جالي راجل عنده ٤٥ سنة أرمل، واتعلقت في رقبته زي الطفلة الصغيرة، وبقيت بتخـ,ـانق مع أهلي يسهلوا عليه الجواز تمامًا..
خاصةً لما عرفت إن الأنثى بعد التلاتين نسبة إنها تحمل بتكون قليلة جدًا جدًا، وإنها بتضيع فترة الخصوبة كلها في العشرينات لما بترفض فكرة الجواز وتعيش الوهم مع نفسها، واتجوزت وقبلت كل شروطه اللي كان أهمها، ممنوع منعًا باتًا الاختلاط بكل صحباتي إلا في الزيارات، إنما المكالمات الطويلة والحكي والرغي بيخرب البيوت..
وإنه ممكن يطلقني لو شاف مني حاجة زي دي، وغصب عني وافقت على شروطه، يمكن لو جالي زمان كنت أهـ,ـنته وطردته، إنما دلوقتي مينفعش، لازم أخاف أوي كمان، بس بعد الجواز وخاصة من راجل كبير في السِن بدأت أدور على أي رفاهية، وبقيت بخرج مع صحباتي من وراه، نتكلم وهو في الشغل، نضحك ونهزر، لحد ما عرف اللي بعمله من وراه وبدون حتى أي توبيخ أو وعظ لقيته طلقني..
كان راجل من الجيل القديم اللي عارف إن فيه غلطات مينفعش معاها النُصح ولا الوعظ، ورجعت بيت أبويا لقيت أبويا مـ,ـات وأمي بقت ست كبيرة بعد مـ,ـوته، كبيرة في كل حاجة، وأخواتي كل واحد في وادي، ومستنيين بس مـ,ـوت أمي عشان كل واحد يطالب بحقه في الوِرث، وبقيت بجري يمين وشمال عشان ألاقي أي عريس أيًا كان..
قدمت على كل مواقع الجواز تقريبًا، واستنيت، وكنت مش طالبة أي حاجة غير الستر بعد ما كنت طالبة كل حاجة، وفعلًا جالي واحد من موقع جواز، وطبعًا سألني عن سبب طلاقي وكذبت عليه، وعرفت إن هو كمان مُطلق ببساطة عشان مراته كانت بتتكلم في الموبايل ليل نهار مع صحباتها وإنه رافض الأمر ده تمامًا، وقولتله إن دي أكتر حاجة أنا بكرهها وإني هعيش عشان جوزي وبس..
واتقدملي واتجوزت جوازة بسيطة جدًا من غير فرح ولا شبكة وكمان في شقة إيجار، واتقـ,ـهرت من جوايا، اتقـ,ـهرت بعد ما كنت هتجوز في بيت كامل ليا ورفضت زمان، واتقـ,ـهرت لما كانت هتجيلي شبكة ١٠٠ جرام دهب ورفضت.. وعشت معاه سنة واحدة وبدأت أحس بالملل، وبالأخص إنه كان بيقعد في شغله باليومين والتلاتة وينزل يوم أجازة، وعشت ما بين السوشيال ميديا وصحباتي بس كنت حذرة أكتر وأكتر، أو ممكن نقول اكتفيت بصاحبة عمري (ريم) وبقينا بنتكلم يوميًا تقريبًا ونحاول نجرب أي حاجة جديدة مع بعض..
